సమంత వ్యాధిపై స్పందించిన అక్కినేని అఖిల్.. ట్వీట్ వైరల్

దిశ, వెబ్‌డెస్క్ : మాజీ వదిన సమంతకు అక్కినేని అఖిల్ సపోర్ట్ ఇచ్చారు. టాలీవుడ్ స్టార్ హీరోయిన్ సమంత, తాను అనారోగ్య సమస్యతో బాధపడుతున్నాను అని, మయోసిటీస్ అనే ప్రాణాంతకమై వ్యాధితో పోరాడుతున్నాను అంటూ సోషల్ మీడియా వేదికగా తెలిపిన విషయం తెలిసిందే. దీంతో ఆమె త్వరగా కోలుకోవాలని, గెట్ వెల్ సూన్ సామ్ అంటూ తన అభిమానులు, సినీ నటులు పెద్ద ఎత్తున పోస్ట్ చేస్తున్నారు. కానీ ఈ విషయంపై అటు మాజీ భర్త నాగచైతన్యకానీ, అక్కినేని నాగార్జున కానీ ఎవరూ స్పందించలేదు. కాగా, అక్కినేని అఖిల్ ఈ విషయంపై స్పందిస్తూ.. సానుభూతి తెలియజేశాడు. "అందరి ప్రేమాభిమానాలు నీకు మరింత బలాన్ని ఇస్తాయి డియర్ సామ్" అంటూ ట్వీట్ చేశాడు. దీంతో అటు సమంత అభిమానులు, ఇటు అక్కినేని అభిమానులు అఖిల్‌పై ప్రశంసలు కురిపిస్తున్నారు.